ಆಳುಂ ದೆಂಟ್ಯಾಚಿ ಕಡಿ
ಆಳುಂ ದೆಂಟ್ಯಾಚಿ ಕಡಿ
ಗರ್ಜ್ ಪಡ್ಚ್ಯೊ ವಸ್ತು :
2 ವಡ್ಲೆ ದೆಂಟೆ,
10-12 ಆಳ್ವ್ಯಾಚೆ ಪಾಲೆ,
1 ವ್ಹಡ್ಲೊ ನಾರ್ಲ್,
1 ವೊಳ್ಯಾ ನಾರ್ಲಾಚೊ ದಾಟ್-ಪಾತಾಳ್ ರೋಸ್,
8-10 ಸುಕ್ಯೊ ಲಾಂಬ್ ಮಿರ್ಸಾಂಗೊ,
2 ಮೆಜಾ ಕುಲೆರಾಂ ಕನ್ಪಿರ್,
1/4 ಚ್ಹಾಚೆಂ ಕುಲೆರ್ ಜಿರೆಂ,
8-10 ಮಿರಿಯಾಂ, ವ್ಹಡ್ಲೆ 2+1 ಪಿಯಾವ್,
5-6 ಬೊಯೊ ಲೊಸುಣ್,
1/4 ಚ್ಹಾಚೆಂ ಕುಲೆರ್ ಹಳ್ದಿ ಪಿಟೊ, ವ್ಹಡ್ಲೊ ಆವಾಳ್ಯಾ ತಿತ್ಲಿ ಆಮ್ಸಾಣ್ ವ 5-6 ಅಂಬಾಡೆ (ದಾಡಾವ್ನ್ ಕಾಣ್ಗೆ),
5 ಮೆಜಾ ಕುಲೆರಾಂ ತೆಲ್,
1 ಮೆಜಾ ಕುಲೆರಾಂ ತೂಫ್,
ಥೊಡಿಂ ಬೆವಾ ಪಾನಾಂ,
ಮಿಟ್ ರುಚಿಕ್.
ಕರ್ಚಿ ರೀತ್:
ದೆಂಟೆ ನಿತಳ್ ಕರ್ನ್ 3" ತಿತ್ಲೆ ಲಾಂಬಾಯೆಕ್ ಕುಡ್ಕೆ ಕರ್ ಘೆವ್ನ್ ಆಳುಂ ಆನಿ ಅಂಭಾಡೆ ಮಿಟ್ ಘಾಲ್ನ್ ಪಾತಾಳ್ ರೊಸಾನ್ ಉಕಡ್. ಆತಾಂ ನಾರ್ರ್ಲ್, ಸುಕ್ಯೊ ಮಿರ್ಸಾಂಗೊ, ಕನ್ಪಿರ್, ,ಜಿರೆಂ, ಮಿರಿಂ, ಪಿಯಾವ್-ಲೊಸುಣ್ ವಿ-ವಿಂಗಡ್ ಇಲ್ಲೆಶ್ಯಾ ತೇಲಾಂತ್ ಉಬ್ಜುನ್ ಹಳ್ದಿ ಪಿಟೊ ಆನಿ ಅಮ್ಸಾಣ್ ಘಾಲ್ನ್ ಗಂದ್ ವಾಟ್ (ವಾಟ್ಟಾನಾ ಎಕ್ ಕುಡ್ಕೊ ಕೊಬ್ರೆಂ ನಾರ್ಲ್ ಬಾಜುನ್ ಫಾಲ್ಯಾರ್ ನಿಸ್ತೆಂ ರುಚಿಕ್ ಜಾತಾ) ಆತಾಂ ಆಳೆನಾಕ್ ದಾಟ್-ಪಾತಾಳ್ ರೋಸ್ ಭರ್ಸುನ್ ಕಡಿ ಹಳ್ತ್ ಕರ್ನ್ ಉಕ್ದುಲ್ಲ್ಯಾ ಆಳುಂ ಧೆಂಟ್ಯಾಂಕ್ ವೋತ್. ಗರ್ಜ್ ಪಡ್ಲ್ಯಾರ್ ಮೀಟ್ ಘಾಲ್. ಕಡಿ ಪಾತಾಳ್ ಕರಿನಾಕಾ. ತೇಲಾ-ತುಫಾನ್ ಪಿಯಾವ್ ಆನಿ ಬೆವಾ ಪಾಲ್ಯಾನ್ ಫೊಣ್ಣ್ ದಿ.