Menu
Subcribe to our Newsletter
Joomla Extensions powered by Joobi

Kuttumb- Somazacho Mhotvacho Ghottok

bro-john-m-alfonso-ocd

John M. Alfonso,Karmelit

Kuttumb-somazacho mhotvacho ghottok' oslea ani kuttumbank lagu zatolea sabar her vixoyancher zaitea zannamni uzvadd ghatlolo ami vachla astolo. Kuttumb mhonnttonach amchea kuttumbant axil'lea sombondhachi amkam yad yeta. Amche Kuttumb mozbut zalole amkam sogleankuch zai. Punn, Ontorveoktigot sombondh (interpersonal relationship) vaddttolo zalear, kuttumbantle sogle vangddi gorjeche oxem disun yeta. Kuttumbantlem vatavoronn ani sabar gottok titlech gorjeche. Amche bhitor axil'lea sombondhank lagu zatelea 'man'sik tann' hea prosnacher uzvadd ghalpacho yotn kortam.

Mon'xachi vadd zaunk, tachea sangatak jiyevpi kuttumb khup mhotvachem. Zolm te moronn meren monis ekamekache sohokaran jiyetat. Puray vaddivangdda, bhavnik vadd zavop faideachem oxem dista. Bhavnik vaddik sabar addkholli aiz amchea thoddea kuttumbamni polleunk mellttat. Oslea addkhollink lagun mon'xachi favo te porim vadd zaina. Ami choddso vell, kherit bhaxen lhan astana, amchea kuttumbant sartat. Kuttumbant aslelim mulyam ami apnnaun amchim fuddlim pavlam martat. Amchi vadd zaunk kuttumbuch amkam adharachem zata., punn hem bhag'yo sogleankuch favo zaina; hem sangtana dukh bhogta. : "Kuttumb amkam sotaitole piddechem karonnui zaum yeta" oxem zannkar mhonnttat. Zaite favtti kuttumbantlea vangddeamni apnnailoli hukumxayechi pod'dhot, niraxavadechi vrut'ti (pessimistic attitude), Choddxem ttikatmok vatavoronn ani her chukicheo vrut'ti dusrea vangddeanche bhavnik vaddiche add durig bandtat. Oslim durgam moddun ekamekache jinnent bhitor sorun ek khuxal jinn jievpachi mekllik aslear bori.

Ek somuday koso jiyetana eka-mekak somzun ghevpachi chodd goroz. Apsvarthiponnan vaglear aplich vadd zaunk khub kotthinn zaum yeta. Amcheamni kuttumbik vatavoronn khuxalkayechem korum yeta. Ek sadem, sogleank man'ta toslem jivit jiyevnk zata. Hem kortana apli tank, apnnakodden axil'leo vostu ani sondi hancho faido kaddcho. Naxil'lea vostunk xinnun, faido zavcho na. Khoinchi-i sukha-dukhachi ghoddnnuk ghoddtta ten'na khuxalkayent toxench dukhantui dor eka vangddean vantto ghetlear borem. Kuttumbantlea vangddeamni dukha vellar apli vrut'ti bodlunk favona. Kosle-i tras yeum, ami borabor sonstelim" oslem mon dor eka vangddeak aslear vangddeanchea bhavnik vaddik khup adhar zatlo.

Kuttumbant ekameka sovem mog-moipas  na zalear kuttumb futtpache vatter pavum yeta. Kuttumbant xistt haddunk zaite favtti naka toslim pavlam morlolim dixtti paddttat. Xist haddunk khor upay ghevpakuch zai, oxem nhoi. Kuttumbant zor favo toslem vatavoronn nirmann kelem zalear, apo-ap kuttumbant xist vosteli. "Bhurgim amchi girestkay" hem ami manun ghetat zalear bhurgeank favo toslea vatavoronnant  vaddovpachi tank (capacity) avoy-bapayank aslear khup faido zavpacho. Favo tosle vagnnukent vaddunk naxil'lim bhurgim sodanch "tras" sonstat, punn bore vagnnukent vaddil'lim bhurgim sodanch khuxal. Lhan savn bhurgeank favo toslim mulyam dilim vo avoy-bapayanchea dekhintlean disun ailim zalear bhurgeanchi bori vadd zatli mhonnunk horkot na. Borem vattavoronn kuttumbant nasot zalear vangddeanchi bhavnik vadd zaunk komi poddtta.

Khoinchem-i kuttumb mozbut zatelem zalear soglea vangddeank visvasant gheun vavurpachi chodd goroz. Dor eka vangddeak apunn aplea kuttumbantlo vangddi koso disunk zai. Aplea kuttumbant apleak suvat asa, oxem dispachi goroz. Hache vorvim mon'xachi mullavi goroz puray zali mhonnum-ieta. Osli poristhiti zor amchea kuttumbamni nasta ten'na hacher niyall korun, pavlam marpachi goroz asa. Aiz kuttumbamni ektthaim bosun upzotolea prosnancher bhasabhas korun ek sukhi kuttumb koxem jiyelear amkanch faido zavpacho.

Amche jinnent novsornnechim chin'nam disun yeunchi goroz.  Sonvsarache soddvonnddar Jezuchea jivitacher nodor marun amchem jivit sarpachi goroz.  Tachea mhonnttana, Povitr Kuttumbachi ami dekh gheum-ia. Hem kuttumb amkam ek adorx mhonnunk zai. Tor, ami amchea kuttumbant jiyetana, eka-mekak somzun gheun, boroborcheank asat toxinch manun gheun, tanche bhavnik vaddik adhar diun, man'sik tann unno korunk vavrum-ia. Fattlem soglem visrun  amchea kuttumbamni novsornnechim lharam marum di. Kitem mhonnttat tumi?

 

-By John M. Alfonso,Karmelit

You have no rights to post comments